‘Măng hop akŏm hlôi pơdrơ̆ng kiơ̆ 18 tơdrong tơchơ̆t gĭt kăl găh tơdrong jang kang ƀô̆, trong jang tơgŭm hơtŏk tơiung, klăih song păng tơlĕch jên tơmơ̆t jên jang teh đak, proh hơmet, hơmet tôm bơngai jang chĕp kơ̆l 2 tăl đơ̆ng rŏng proh hơmet, vei sơđơ̆ng khŭl lĭnh - sơđơ̆ng tơpôl. ‘Nâu jĭ trong jang trŏ luơ̆t gĭt kăl tơgŭm dêh char hơmet pơ ‘lơ̆ng pơmat tat, pơm hiôk jên jang, pơm tơdrong ‘lơ̆ng jang đang dôm tơdrong hơgăt sơnăm 2025 păng jăl jang 2021 – 2025.

Jơnŭm pơgơ̆r kon pơlei dêh char athei Anih vei lăng kon pơlei dêh char akŏm tơlĕch jang hrơ̆ch, mă loi ‘noh hơnăp jang hơtŏk hrĕnh tơlĕch jên jang tơmơ̆t jên jang teh đak, hơdrin jang đei 100% trong tơlĕch jang sơnăm; kăl kơ jăh hơmet pơ ‘lơ̆ng pơmat tat lơ̆m bơ̆jang khŭl kơdră chĕp kơ̆l tơ̆ xăh, hơmet tôm bơngai jang, jên jang vă bơ̆jang hiôk ‘lơ̆ng; hơmet mă hơlen ăn pôk rơih Quốc hội jăl XVI păng Jơnŭm pơgơ̆r kon pơlei rim tơring jăl jang 2026 – 2031.