Kŭm hăm roi tơƀôh găh dôm tơdrong ‘nao đơ̆ng Luơ̆t Vei lăng tơdrong đei yua ăn bơngai răt yua sơnăm 2023 (đei tơmơ̆t yua đơ̆ng ‘năr 01/7/2024), Hop akŏm hlôi ‘măn lơ jơ tơblang hơdăh dôm tơdrong mơmat tat, ưh kơ ‘lơ̆ng lơ̆m tơdrong jang vei lăng tơdrong đei yua ăn bơngai răt yua.

Kiơ̆ kơ dôm bơngai tang măt, khei ‘năr âu ki, tơdrong jang ‘nâu oei đei ƀôh lơ tơdrong ưh kơ ‘lơ̆ng, đơ̆ng tơdrong hơtŏk ‘lơ̆ng đon hlôh vao găh vei lăng tơdrong đei yua ăn bơngai răt yua ăn đĭ đăng lơ̆m tơpôl; dôm tơdrong nhen răt yua kơjăp, răt yua rơgoh, tơ jră tơmam ya.... klĕp truh dôm tơdrong ‘nao đei ƀôh lơ̆m kơplăh mơ̆t jang hơdai hăm apŭng plĕnh teh nhen dôm tơdrong pơm glăi roi tơƀôh, hơpăh tơmam ưh kơ tơpăt, tĕch tơmam glăi, pơgơ̆m păng hơlĕnh pơdăr lơ̆m mạng tơpôl... Đĭ đăng dôm tơdrong ‘nâu athei đei trong găh băt ‘nao vă hơtŏk loi dơ̆ng đei yua lơ̆m tơdrong jang vei lăng tơdrong đei yua ăn bơngai răt yua.