Tơgŭm kon pơlei băt hlôh ƀôh hơdăh iŏk yua pơkom unh hơyuh, khei năr ou ki, Kŏng ty ŭnh hơyuh Dak Lăk tơlĕch jang kiơ̆ trong jang pơtho tơbăt. Hơnih jang hlôi tơbăt hơdăh dôm trong pơkom ŭnh hơyuh ‘moi kiơ̆ hơnih jang kơtơ̆ng ang, lơ̆m website, pano, ‘moi kiơ̆ hla bơar pơrô̆ jang kiơ̆ đơ̆ng rim tơring, chă ba hla bơar ăn kon pơlei iŏk yua ŭnh hơyuh, atŏk kơtang pơtho tơbăt tơ̆ rim hnam trương đăi hŏk…  Mă kăl ‘măng tơlĕch jang “Ŭnh hnam pơkom ŭnh hơyuh sơnăm 2024” tŏk bŏk jang kiơ̆ păng gô vă pôk hơpăh ăn 300 ŭnh hnam jang kiơ̆ ‘lơ̆ng. ‘Măng pơlong “Hŏk tro găh băt hlôh iŏk yua ŭnh hơyuh Sơđơ̆ng-Pơkom-Jơnei” hơvơn đei 10.000 ƀai chih vang pơlong. Hăm trong jang hrơ̆p mĭnh ‘măng, 9 khei ou ki, lơ̆m dêh char Dak Lăk pơkom đei vă jê̆ 60 triu kWh ŭnh hơyuh,  lơ̆m ou vă jê̆ 1 poăt ‘noh pơkom ŭnh hơyuh iŏk yua lơ̆m ŭnh hnam kon pơlei.