'Nou jĭ tơdrong jang đei jên asong jang truh kơ rơbou tih hlj, pơkăp pơm trong ăn hơtŏk kŏng ngĭp păng logistics ăn Tây Nguyên păng Pơbah Tŏk Bŏk. Lơ̆m noh Tơdrong asong ming man păng tĕch pơdro pơkăp Anih jang Kŏng ngĭp Hòa Tâm – jăl 1 să pơhlom  492 ha; hăm kơsô̆ jên ming man pơhlom 4.200 tih hlj. Tơdrong ming man asong tôm ăn tơdrong pơjing Anih pơm tơlĕch mam thep Hòa Phát kĕ pơm tơlĕch 6 triu tơ̆n minh sơnăm, hơtŏk kơsô̆ jên asong jang pơhlom 84.000 tih hlj.

Tơdrong asong ming man dơnŏk duk Bãi Gốc đei kơsô̆ jên asong ming man pơhlom 16.300 tih hlj. Ƀar tơdrong ming man ou kơyuơ Anih jang Hòa Phát asong jang. Atŭm hăm noh, Đăk Lăk adoi pơtơm ming man Anih jang kŏng ngĭp kiơ̆ trong 'nao tơ̆ phương Hòa Hiệp kơyuơ Anih jang N&G asong jang tơ̆ anih teh să hloh 250 ha, hăm kơsô̆ jên asong ming man jê̆ 2.400 tih hlj. Ah mă dôm anih ming man ou đei tơmơ̆t pơm jang gô pơlan să tơdrong hơtŏk dôm tơdrong jang tĕch pơdro kơ dêh char Đăk Lăk; sek asong tơdrong jang ăn dôm jĭt rơbou bơngai pơm jang tơ̆ tơring.