Hop akŏm đei 449 'nu tang măt truh hop akŏm, tang măt ăn hloh 137.000 đảng viên lơ̆m tôm Đảng ƀô̆, ƀok Nguyễn Văn Nên – Juăt jang lơ̆m Hơnih pơvih ăn Hop akŏm mă 14 kơ Đảng, atŭm hăm khul kơdră kơpal kơ Anih tơm, anih jang Trung ương păng dôm dêh char. Vă pơm kiơ̆ hơdah, Hop akŏm sơkơ̆t 3 tơdrong tơm ăn jăl jang: Hơtŏk bơngai jang hơgei, tơguăt hăm tơplih 'nao tơdrong jang kang ƀô̆; Hơtŏk kơtang Khua hŏk – kŏng ngê̆, tơplih 'nao gơh hơgei, tơplih kơmăi kơsô̆ lơ̆m 3 tơdrong tơm: jơnŭm pơgơ̆r kơmăi kơsô̆, mŭk drăm kơmăi kơsô̆, tơpôl kơmăi kơsô̆; Akŏm ming man tơdrong kăl; mă hăt noh dôm jăl trong dơnơm, anih jang kŏng ngĭp, anih jang ăn tơring kơdrơ̆m.

Pơma pơgơ̆r Hop akŏm, ƀok Nguyễn Văn Nên, bơnê kơ dôm tơdrong mă dêh char pơm jang đei jơnei, atŭm hăm noh pơgơ̆r hăm Đăk Lăk iŏk yua tơdrong hiôk hlôi đei kơ tơring “bri – dơsĭ”, hơtŏk kơtang tơring jang hơdoi, hơtŏk hơgei hăm bơngai jang păng tơchơ̆t jang khŏm mă tơplih trong pơm jang, hơtŏk tơdrong asong jang. Hop akŏm hlôi tơbang Tơchơ̆t đơ̆ng Hơnih tơm Chinh trĭ pơkăp Ƀan Châ̆p hanh, Anih jang Thương vŭ, Ƀĭ thư, Phŏ Ƀĭ thư Tĭnh uy jăl jang 2025-2030. Ƀok Nguyễn Đình Trung, jang lơ̆m Trung ương Đảng đei pôk pơm Ƀĭ thư Tĭnh uy Đăk Lăk jăl jang 2025-2030.