Hăm dôm tơdrong jang kiơ̆ tơlĕch jang, Jơnŭm hlôi sơng iŏk hloh 400 triệu hlak jên đơ̆ng dôm anih jang, khŭl jang păng rim bơngai tơgŭm. Khei ‘mêm mơnat sơnăm ‘nâu đei dêh char Dak Lak pơgơ̆r tơlĕch jang tơ̆ 3 hơnih ‘noh apŭng  Krông Năng, Cư Mgar păng pơlei tơm Buôn Ma Thuột.

Kiơ̆ kơ ‘noh, lơ̆m Khei ‘mêm mơ nat ‘noh khei 5 âu, dôm kơdră vei lăng Jơnŭm ‘long pơ glang ƀrê gô tŭn pran tơroi tơbăt jrŭ să lơ̆m rim răih kon pơlei găh dôm kơ jă kăp gĭt ‘mêm mơ nat, akŏm pơgơ̆r dôm tơdrong jang, krao hơvơn dôm khŭl jang, rim bơngai tơgŭm ăn khei ‘mêm mơnat; pơjao asong tơmam, man hnam, pơm hơmet ming 1 hơnih “ Gŏ pai rơgoh - por ‘lơ̆ng” tơ̆ dôm hnam trưng mầm non, jăl 1. Tơgŭm tŏ sĕt hloh 1.000 hơnih pơgơ̆r jang hăm dôm bơngai mơmat tat dêh hloh lơ̆m dêh char. Tơ̆ lêh tơlĕch jang, Jơnŭm ‘long pơ glang ƀrê dêh char Dak lak hlôi sơng iŏk hloh 400 triệu hlak jên đơ̆ng dôm anih jang, khŭl jang, rim bơngai lơ̆m dêh char tơgop, tơgŭm dôm bơngai mơ mat tat.