Kiơ̆ kơ Anih jang Khoa hŏk păng Kơmăy kơmŏk dêh char Đắk Lắk, đơ̆ng ‘năr 1/7 truh 5/9/2025, dôm anih jang pơm hla ar lơ̆m tơring hlôi sơng iŏk păng hơmet ‘lơ̆ng vă jê̆ 25,5 triệu hla ar hô sơ, lơ̆m noh hla ar hô sơ trực tuyến đei vă jê̆ 75%. Kơsô̆ hla ar hô sơ trực tuyến tôm iŏk đei hloh 36%. Hơnih pơvih pơvăn teh đak kơ dêh char dang ei tơbăt hơdăh hloh 2.100 hla ar bơ̆jang, hăm 1.867 hla ar bơ̆jang hlôi đei akŏm tơmơ̆t trực tuyến, tơgŭm kon pơlei, anih mơdro sa ƀônh kơ pơih lăng păng pơm.

Đắk Lắk tơlĕch tơdrong hơgăt truh hơtuch sơnăm 2025, 100% pơvih pơvăn teh đak đei tôm tơdrong ‘lơ̆ng gô đei pơtruh trực tuyến lơ̆m dêh char, kơsô̆ hla ar hô sơ trực tuyến iŏk đei tŏ sĕt tôch ai 70%, pơm hơyak ‘lơ̆ng lơ̆m hơmet ming bơ̆jang, pơvih pơvăn ‘lơ̆ng hloh ‘meh vă đơ̆ng kon pơlei păng anih mơdro sa.