Mă đơ̆ng tơdrong pơm glăi găh ŭnh hơyuh tơ̆ Đak Lăk oei lơ mă lei đĭ đăng jei ƀôh tơtom, ưh kơlê̆ đei pơm glăi roi kơtang.

Hrei au Đak Lăk păng rim dêh char Tây Nguyên tŏk bŏk lơ̆m dôm khei năr tŏ phang pơđang, atŭm hăm rim tơdrong jang lăng hơlen, dăr lăng sơđơ̆ng, hơnih jang ŭnh hơyuh Đăk Lăk jei atŏk kơtang pơrô̆ pơrôp pơtho tơbăt ăn kon pơlei trong iŏk yua ŭnh hơyuh pơkom sơđơ̆ng, adoi tơl hơdăh dôm tơdrong mă kon pơlei chă apĭnh đei ƀơm truh hla bơar jên iŏk yua ŭnh hơyuh rim khei. Rim hơnih jei tĕnh koăng dăr lăng dôm tơdrong đei ƀôh jơ ŭnh hơyuh tŏk lơ dăh mă tơjur kơtang, tơtom ƀôh tơdrong hư răm jơ ŭnh hơyuh adoi nhen tơdrong pơm glăi iŏk yua unh hơyuh.