Dak Nông tơƀơ̆p bơngai tăh hla hơdrol ‘Măng hop akŏm mă 8, Kuô̆k hô̆i jăl XV
Thứ năm, 14:31, 26/09/2024
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Lơ̆m 2 năr (24 păng 25/9), Khul kơdră tang măt Kuô̆k hô̆i dêh char Dak Nông hlôi pơgơ̆r rim ‘măng tơƀơ̆p pơma dơnuh hăm bơngai tăh hla tơ̆ rim tơring Dak Sin kơ apŭng Dak Rlâp, phương Nghĩa Trung (pơlei tơm Gia Nghĩa), tơring Nâm N’ Đir (apŭng Krông Nô) păng tơring Ea Pô (apŭng Cư Jút), mơ̆ng nơ̆r tơgop đơ̆ng kon pơlei hơdrol ‘Măng hop akŏm mă 8, Kuô̆k hô̆i jăl XV.
Tơ̆ rim ‘măng tơƀơ̆p, Khul kơdră tang măt Kuô̆k hôi dêh char Dak Nông tơroi tơbăt ăn bơngai tăh hla găh dôm tơdrong kơ ‘măng hop akŏm mă 8, Kuôk hô̆i jăl XV gô pơgơ̆r lơ̆m khei 10 kơnh. Bơngai tăh hla dêh char Dak Nông hlôi pơma tơbăt jơhngơ̆m đon tơgop nơ̆r, nơ̆r apĭnh găh tơdrong oei ƀôh ưh kơ ‘lơ̆ng hơ iă lơ̆m dêh char. Bơngai tăh hla hơpơi ‘meh vă hơnih jang pơtho pơhrăm chă tơchĕng hơlen pơjing lei lăi kơsơ̆p hla bơar hŏk pơhrăm păng gơ̆h iŏk yua hơnơ̆ng vă dă ƀiơ̆ tơhoach kon jên hok pơhrăm ăn kôn mon kon sau. Kơdră tơring kăl lăng ba hloh dơ̆ng kơ tơring choh jang sa nhen chă tơ iung pơjing ŭnh hơyuh, đak sŏ nhă, hnam pơgang apŭng.
Viết bình luận