Vang năm akŏm Lêh pơtơm, rim bơngai tang măt ‘măn jơ kơ-ŭ ƀlŏk hơdơ̆r kơ dôm bơngai lôch hơchăng păng kang ƀô̆ linh lôch tang lơ̆m kơplah pơm jang tơgŭm dŏng sar bar lơ̆m đak hơbông. Tơ̆ lêh pơtơm, lơ anih jang, tơ-‘ngla bơngai jang adoi chih măt tơgŭm, lơ̆m noh lơ hloh noh kang ƀô̆ păng kon pơlei tơ̆ pơlei tơm Kon Tum tơgŭm 400 trĭu hlj.

Tĭnh uy – Hô̆i đŏng kon pơlei – Anih jang vei lăng kon pơlei- Anih jang Măt trâ̆n tôh kuôk Việt Nam dêh char Kon Tum hơvơn kang ƀô̆, kon pơlei lơ̆m dêh char tơgop tơgŭm kon pơlei dôm dêh char, pơlei tơm gah Tu ƀơm răm kơyuơ ‘mi kial kơsô̆ 3 pơm đei; hơvơn dôm anih jang, tơ-‘ngla bơngai jang păng tôm kon pơlei, hăm đon bơnôh tơnăp păng tơdrong tơguăt tơguăl, dah tơgŭm kon pơlei ƀơm ‘mi kial kơsô̆ 3 pơrăm, vă kon pơlei dah hrôih găn hloh tơnap tap, sơđơ̆ng tơdrong hơrih.