‘Năr brei (4/9), tơ̆ lơ tơring kơ 3 apŭng groi kông dêh char Kon Tum, ‘noh đei: Đăk Glei, Tu Mơ Rông păng Kon Plông đĭ đei ‘mi. đã có mưa. Lăng hơdrol tơdrong ƀơm ưh kơ ‘lơ̆ng đơ̆ng ‘mi kial hơbŭt kơ sô̆ 3 hơnơ̆ng pơm ăn ‘mi, hơtŏk tơdrong hơmơt đei ƀôh teh hơlih lơ̆m tơring,  Anih jang vei lăng găh pơtho pơhrăm păng khŭl kơdră dôm apŭng tơ̆ Kon Tum hlôi hơmet ăn tôm trong jang pơgơ̆r mơ̆t hŏk blŭng sơnăm hŏk ‘nao mưh đei ‘mi kial hơbŭt hơbông. Khŭl kơdră vei lăng dôm hnam trưng athei mĕ ƀă hŏk tro ‘măn jơ năr ba kon năm mơ̆t hŏk blŭng vă vei sơđơ̆ng ‘lơ̆ng.

Sơnăm hŏk 2024- 2025 dêh char Kon Tum đei hloh 170.000 ‘nu hŏk tro rim jăl đơ̆ng jăl hŏk mầm non truh jăl 3, lơ̆m noh đei hloh 45.000 ‘nu hŏk tro jăl blŭng. Vă năr mơ̆t hŏk blŭng sơnăm hŏk ‘nao 5/9 tơpă jing Năr đĭ đăng kon pơlei ba hơioh truh tơ̆ hnam trưng, đơ̆ng blŭng khei 8, Anih vei lăng găh Pơtho pơhrăm dêh char Kon Tum hlôi pơjing 6 khul, hơlen lăng tơdrong jang hơmet ăn sơnăm hŏk ‘nao tơ̆ đĭ đăng rim hơnih pơtho pơhrăm tơ̆ 10 apŭng, pơlei tơm lơ̆m dêh char.