Gia Lai asong hloh 11 rơbou tih hlj ăn 2 tơdrong jang ming man trong nơnăm
Thứ sáu, 08:54, 26/09/2025
Lan chih tơblơ̆
Lan chih tơblơ̆
VOV.Bahnar – Dêh char Gia Lai kơchĕng gô asong hloh 11 tih hlj vă hrŭ 'mong iŏk teh ming man tơdrong kăl păng tơgŭm anih oei xa ăn kon pơlei ah mă iŏk teh ming man trong nơnăm lơ̆m tơring. Ƀar tơdrong ming man trong kơdou hrenh Quy Nhơn – Pleiku păng trong gre treng kơdou hrenh Tu - Pơbah jăl găn Gia Lai.
Lơ̆m noh, ming man trong kơdou hrenh Quy Nhơn – Pleiku hơtaih truh 125 km, kơsô̆ jên asong man hloh 43 rơbou tih hlj, kơsô̆ jên hrŭ 'mong teh iŏk ming man păng asong hơnih oei xa pơhlom 4.700 tih hlj. Truh dang ei, tơdrong hơmet tơmam drăm, pơkă hơlen hlôi keh đang. Dêh char oei gô Jơnŭm pơgơ̆r teh đak hơlen Tơchơ̆t vă pơtơm ming man.
Hăm jăl trong gre treng kơdou hrenh, jăl găn Gia Lai hơtaih 115 km. Jên hrŭ 'mong iŏk teh ming man pơhlom 6.400 tih hlj. Dêh char hlôi pơkăp 38 hơnih oei 'nao, ăn jê̆ 1.600 unh hnam kon pơlei ƀơm iŏk teh truh oei. Dang ei 37 hơnih oei hlôi đei kĭ tơchơ̆t hơdah. Ƀar jăl trong đei ming man pơih đei lơ tơdrong hơtŏk tơ-iung 'nao ăn dêh char Gia Lai.
Viết bình luận