Hop akŏm chă dăr lăng tôm tơdrong pơm jang, tơtom pơklaih tơhlăk tơhlĭn, mă kăl noh tơ̆ dôm jăl trong găn dêh char, vei sơđơ̆ng ăn tơdrong ming man keh đang. Jăl trong kơdou hrenh ou hơtaih pơhlom 125 km, klah asong jing 3 tơdrong jang tơm, să hăm 4 tong gre yak hơdoi, kơsô̆ jên pơkăp jang hloh 43.700 tih hlj. Dêh char Gia Lai gô vă asong 7 anih oei 'nao ăn 122 unh hnam ƀơm kơtă đơ̆ng tơdrong ming man lơ̆m kơsô̆ hloh 1.000 unh hnam athei jăk tơ̆ nai.

Rim tơring hlôi keh đang hla bar pơkăp asong anih oei 'nao, oei gô kĭ pơkăp vă pơtơm ming man ah sơnăm kơnh. Kơchĕng đơ̆ng năr 30/7, tơring chă pơtăm jrăng tơ̆ dôm anih teh iŏk ming man, pơm anih tơm vă chih akŏm hrŭ 'mong, tơgŭm anih oei xa sơđơ̆ng.