Gia Lai et hơtŏk 2 jăl trong dơnơm, sơng kơ kuh kơ Hop akŏm Đảng ƀô̆ dêh char
Thứ tư, 09:00, 01/10/2025
Lan chih tơblơ̆
Lan chih tơblơ̆
VOV.Bahnar – Hơdrol kơ Hop akŏm Đảng ƀô̆ dêh char, jăl jang 2025-2030, pơgê năr 30/9, Anih jang vei lăng kon pơlei dêh char Gia Lai pơgơ̆r et hơtŏk 2 jăl trong dơnơm noh Trong tơm 633 jăl đơ̆ng Núi Ghềnh truh jăl trong tơkuh đak dơsĭ (Jăl trong tơm 639) păng trong Điện Biên Phủ pơtoi truh tơring kơdrơ̆m Diêm Vân.
'Nou jĭ 2 jăl trong dơnơm, tơgop keh đang trong nơnăm, pơih cham char hơtŏk tơ-iung 'nao ăn dêh char Gia Lai tơ̆ tơring gah hlĕch.
Tang măt ăn Anih jang vei lăng kon pơlei dêh char Gia Lai pơma ah lêh et hơtŏk 2 jăl trong ou, ƀok Nguyễn Tuấn Thanh, Phŏ Kơdră Anih jang vei lăng kon pơlei dêh char Gia Lai pơtruh nơ̆r hăm anih iŏk ming man, rim anih jang, rim tơring athei vei lăng tơnăp jăl trong, mưh hư răm noh athei hơmet mă tơtenh; pơm kiơ̆ pơkăp asong jang; hơlen chih akŏm dôm tơdrong pơkăp ming man nai vă tơlĕch iŏk yua 'lơ̆ng jăl trong, tơgop pơm kiơ̆ tơchơ̆t hơ-'nhăk dêh char Gia Lai jing dêh char hơtŏk tơ-iung kơtang tơ̆ tơring Tŏk bŏk, hơtŏk đei 2 kơsô̆ lơ̆m jăl jang truh ou kơnh”.
Viết bình luận