Kiơ̆ kơ ‘noh, 56 tơdrong vă jang hăm kon jên tơmơ̆t jang hloh 3.100 ti hlak jên đei pơjao ăn: 4 tơdrong vă jang (381 ti hlak jên) pơjao ăn Hơnih bơ̆ jang Vei lăng tơmơ̆t jên jang tơ iung pơjing dêh char păng 52 tơdrong vă jang (2.740 ti hlak jên) pơjao ăn rim tơring, phương. ‘Ngoăih kơ ‘noh, 34 tơdrong vă jang hăm kon jên tơmơ̆t jang 667 ti hlak jên găh rim Tơdrong vă jang tơm Teh đak, atŭm hăm vă jê̆ 400 tơdrong vă jang iĕ sơ̆ ‘noh pơjao ăn apŭng, thĭ xah, pơlei tơm dang ei jei hlôi pơjao ăn tơring, phương iung jang. Kơdră chĕp pơgơ̆r Hơnih bơ̆ jang vei lăng jên hu Gia Lai Trần Cang akhan, tơdrong hơmet ming ou gô proh hơmet ăn hơnăp jang vei lăng, atŏk kơtang pơjao ăn tơring, pơm hơtŏk iŏk yoa jơnei kon jên tơmơ̆t jang, tơklep hăm trong jang khul kơdră ƀar kâp. Ƀok pơma hơdăh: “Kon jên tơmơ̆t jang tơ̆ tơring ayơ, pơjao ăn khul kơdră tơring ‘noh chĕp pơgơ̆r, pơrô̆ jang, iung jang kiơ̆”, adoi ăn asong tơring gơ̆h pơjing khul bơ̆ jang vei lăng tơdrong vă jang dăh mă hơvơh hơnih bơ̆ jang vang iung jang tơgŭm ăn.