Kiơ̆ kơ yă Đào Thị Thu Nguyệt- Phŏ Kơdră chĕp kơ̆l Anih vei lăng găh kơmăy kơmŏk mơdro sa Gia Lai, jên tĕch tơmam tơ̆ teh đak đe kơ tơring tŏk lơ lơ̆m 2 khei blŭng sơnăm ‘noh jĭ yua đơ̆ng 1,2 anih tĕch mơ dro tih hlôi hŭt lê̆ trong jang tơgŭm Zero Covid.  ơgĕch iŏk tơdrong hiôk âu, dôm anih mơdro sa kơ Gia Lai hlôi hơmet ăn tơmam vă pơyua ăn ‘meh vă đơ̆ng dôm anih tĕch mơdro. Lơ̆m dôm tơmam tĕch tơ̆ teh đak đe kơ Gia Lai, tơm ‘noh cheh phe, kơ su tŏk pơ đĭ găh kơ sô păng kơ jă.

Hơdrô̆ cheh phe oei iŏk hloh 90% akŏp kơ jă tĕch tơ̆ teh đak đe tơmam đơ̆ng choh jang sa. Hơdai hăm ‘noh, sơnăm ‘nâu, tơmam plei ‘long păng dôm tơmam đơ̆ng plei ‘long tĕch tơ̆ teh đak đe kiơ̆ trong tơm kŭm tŏk hrĕnh gơnang đơ̆ng tơdrong dêh char hlôi đei drơ̆ng ăn hloh 150 kơ sô̆ tơring pơtăm păng hơnih tăh hơmet. Lơ̆m noh, dôm tơmam đei tĕch tơ̆ teh đak đe lơ ‘noh prit, gui yuăn.