Gia Lai: Năr “Hao gre ưh đei ‘nhui vă plei tĕh rơgŏh ‘lơ̆ng”
Thứ hai, 10:34, 17/04/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê 16/4, tơ̆ Hnam jŏh hơri hơxoang kơ đe hơiŏh plt Pleiku (dêh char Gia Lai), Anih vei sơđơ̆ng tơ̆ trong nơnăm dêh char păng Anih vei lăng kon pơlei plt Pleiku jang hơdoi hăm Anih mong jên AIP, Anih vei sơđơ̆ng trong nơnăm kơ tĕh đak pơgơ̆r năr “Hao gre ưh đei ‘nhui vă plei tĕh rơgŏh ‘lơ̆ng” sơnăm 2023.
Sơnăm ‘nâu jĭ sơnăm mă 5 kơ tơdrong jang, dôm tơdrong jang chă krao hơvơn hŏk tro păng tơpôl hao gre ưh đei tơlĕch ‘nhui lơ, vă năm truh tơdrong atŏk tơiung dôm plt rơgŏh kŭm nhen hơtŏk tơdrong yak vih vât sơđơ̆ng ‘lơ̆ng.
Lơ̆m năr âu, dôm bơngai tang măt kŭm hăm đe ŏh hŏk tro hao gre tang vang yak pơrŏ tơ̆ lơ trong glung lơ̆m plt Pleiku vă hơtŏk đon hlôh vao ăn kon pơlei găh tơdrong kăl đơ̆ng hao gre ưh đei ‘nhui, hao gre sơđơ̆ng ‘lơ̆ng. Lơ̆m tơdrong jang âu, Anih mong jên tang găn pơ̆k lôch, rơka châu Á AIP hơpăh 50 tong gre tang vang ăn dôm khul grŭp, lơ bơngai, tơgŭm ăn đe hŏk tro đei đon adrin tŏk klăih đơ̆ng mơmat tat hŏk pơhrăm gơ̆h hơgei lơ̆m plt Pleiku.
Viết bình luận