Kơchơ tơring Ia Hla (apŭng Chư Pưh, dêh char Gia Lai) đei ming man đơ̆ng sơnăm 2020 păng tơmơ̆t iŏk yua lơ̆m sơnăm 2021, hăm kơchơ să hloh 430m². Kơchơ đei ming man kơjăp chă pơlăp tôm ŭnh hơyuh, tơma pit ŭnh sa ... Kơchơ đei puăn rĕnh hơnih tĕch mơdro tơmam drăm păng 24 hơnih tĕch ‘nhĕm ‘nhot đei pơbŭng. Đơ̆ng rŏng 4 sơnăm ming man đang nhen lĕ ưh kơ đei iŏk yua, lơ hơnih hlôi hư răm, ‘ngiĕt chăt glĭp glăp. Tơ̆ hơnăp kơchơ hŭt prăh prang mă lei rim hơnih trong sơlăh tă tĕch mơdro rơ ông rơ ang, pơm ưh sơđơ̆ng trong nơnăm, Hơnih vei lăng kon pơlei tơring Ia Hla hlôi pơjing rim khul jang chă pơrô̆ pơrôp, krao hơvơn dôm bơngai mơdro sa vang iung jang hơdoi hăm rim khul iung jang xek phak hăm dôm bơngai bơbĭt jih trong vă tĕch mơdro tơmam drăm.