‘Nâu jĭ tơdrong đei roi tơbăt lơ̆m jơ apinh jet tơ̆ Hop akŏm Jơnŭm pơgơ̆r kon pơlei dêh char Gia Lai pơgê ‘năr 1/10. Kiơ̆ hla ar tơroi đơ̆ng Anih vei lăng kon pơlei dêh char Gia Lai, truh dang ei, kơsô̆ jên teh đak đei tơlĕch tơ̆ dêh char ‘nao đei 31,2%, tŏ sĕt hlŏh kơsô̆ jô̆ păh lăp lơ̆m teh đak. Lơ tơring anih jang kơpal tơlĕch jên jang đơ̆ng teh đak tôch hiơ̆.

Lơ̆m noh, Anih vei lăng choh jang xa păng atŏk tơiung tơring tơrang dêh char, Anih jang pơgang dêh char, Anih joh ayŏ kơ dŏ xoang, tơplŏng kơdâu păng chă tơmang lăng dêh char, jên tơlĕch jang tam mă truh 10%. Dôm tơdrong tơm pơm hiơ̆ hyĭn mưh tơlĕch jang ‘nŏh yoa tơhlăk tăk đơ̆ng tơdrong hrŭ ‘mong, chưk pơ ‘ngoăih teh, ưh măh tơmam ming man; lơ tơdrong jang oei hơmet trong tơmât jên jang mă ưh ‘nŏh oei hơmet ming tơdrong vă jang dơ̆ng.