Kiơ̆ kơ ‘nŏh, adrol kơ ‘năr 20/4, Anih tơlĕch nơ̆r sơkơ̆t tơmât jên jang Gia Lai pơm đang hla ar athei hŭt lê̆ tơdrong pơjei băl iŏk jang tơ̆ Tơdrong jang pơm Sân golf Đak Đoa; Anih vei lăng jên hu Gia Lai pơm kĕh hla ar hŭt lê̆ tơdrong chă rơih bơngai răt iŏk tơmam đei kơpal tĕh ‘nŏh, hla ar tĕh lơ̆m tơdrong jang.        

Kŭm lơ̆m khei 4/2023 mơ̆n, dôm Anih tơlĕch nơ̆r sơkơ̆t tơmât jên jang, Anih vei lăng jên hu, pơjing ming man, Anih vei lăng tơmam păng cham char păng Anih vei lăng kon pơlei apŭng Đak Đoa jang hơdoi chă hơlen năng rim trong pơm hla ar tơmât jên, tơdrong tơchơ̆t găh trong tơmât jên jang, tĕch tơmam đei lơ̆m tĕh ‘nŏh păng tĕh tơdrong jang, pơm hla ar tĕh kŭm nhen kơsô̆ jên athei nôp đơ̆ng dôm tơdrong jang.

‘Ngoăih kơ ‘nŏh, Anih vei lăng kon pơlei dêh char Gia Lai oei athei Anih tơlĕch nơ̆r sơkơ̆t tơmât jên jang dêh char pơm pơkĕh hla ar athei Anih vei lăng kon pơlei dêh char Gia Lai, roi tơbăt ăn Khul kơdră chĕp kơ̆l Đảng dêh char, păng bơ̆ jang hăm dôm Anih tơm đei ƀơm truh găh tơdrong tơroi ăn Thủ tướng tĕh đak iŏk pơdreu trong tơmât jên jang hăm tơdrong jang pơm Sân golf Đak Đoa.