Tơdrong jang pơm Trong Hồ Chí Minh jăl trong ver găh Hơlĕch kơ plt Buôn Ma Thuột, dêh char Dak Lak đei jên jang hlŏh 1.500 ti, pơm klĕch dôm apŭng Cư M’Gar, Cư Kuin, Krông Pach păng plt Buôn Ma Thuột. Khei ‘năr pơm đơ̆ng sơnăm 2020 truh đĭ sơnăm 2023. Tơdrong jang pơm trong âu kơjung dang 40Km, gơ̆h ăn gre kơdâu truh 80Km/h.

Truh dang ei tơdrong jang ‘nao đei pơjao tĕh vă pơm trong lăp dang 60% mă lei đĭ pă đei jên vă chưk pơ ‘ngoăih tĕh păng kiơ̆ tơdrong jô̆ hơlen athei đei dơ̆ng 332 ti ‘mơ̆i vă gơ̆h jang kĕh tơdrong ‘nâu. Tơdăh tơdrong jang oei hơnơ̆ng hiơ̆ hyĭn, ưh đei jang kĕh trŏ năr hơgăt ‘nŏh (ƀât hơtuch sơnăm 2023), Anih tơm vei lăng trong nơnăm athei Bí thư đảng dêh char păng Kơdră vei lăng kon pơlei dêh char Dak Lak set hơlen chă trong jang gĭt kăl vă sek tơlang hơnăp jang đơ̆ng bơngai chĕp kơ̆l hăm Anih vei lăng tơdrong jang pơm trong păng choh jang xa, atŏk tơiung tơring tơrang Dak Lak (anih tơmât jên jang).