Hăm vă jê̆ 64 rơbâu ‘nu bơ ngai jang, jăl jang âu ki Grŭp Anih tĕch mơdro iĕ păng păh lăp hơnơ̆ng jang ‘lơ̆ng hơnăp jang păng Khul kơdră pơgơ̆r Grŭp jăl jang 2018-2023 kŭm bơ̆ jang tôch đei yoa ‘năi. Grŭp hlôi jang tŏk pran găh rim tơdrong, jang xa ‘lơ̆ng rơgei, roi đei yoa păng kơsô̆ bơngai jang lơ̆m grŭp roi lơ.

Pơma truh tơdrong jang tơ̆ hơnăp kơnh, Phó Thủ tướng Lê Minh Khái athei, Grup Anih tĕch mơdro iĕ păng păh lăp kơ Việt Nam hơnơ̆ng tưk tơiung tơdrong juăt ‘lơ̆ng, hơnơ̆ng đei lơ trong jang rơđăh rơđong, vang yak hơdoi hăm Khul kơdră tĕh đak, dôm anih jang kơpal, tơring tơrang vă tơgŭm ăn anih tĕch mơdro iĕ păng păh lăp yak hlŏh pơmat tat, hơnơ̆ng tưk tơiung ming tơdrong jang sa păng jang tŏk pran kơjăp.