Grŭp Bơ̆jang kơsô̆ 1 kơ Anih tơm Chĭnh trĭ bơ̆jang hăm Khŭl chĕp kơ̆l pơgơ̆r Anih jang Đảng dêh char Cà Mau, Hưng Yên găh Hop akŏm Đảng bộ jăl jang 2025-2030
Thứ tư, 14:14, 10/09/2025
VOV/Thuem tơblơ̆
VOV/Thuem tơblơ̆
VOV4.Bahnar - Kơsơ̆ (09/9) tơ̆ Anih bơ̆jang Trung ương Đảng, Grŭp Bơ̆jang kơsô̆ 1 kơ Anih tơm Chĭnh trĭ yua đơ̆ng ƀok Lương Cường, Kơdră teh đak pơgơ̆r, bơ̆jang hăm bơngai tang măt Khŭl chĕp kơ̆l pơgơ̆r anih jang Đảng dêh char Cà Mau, Hưng Yên vă ăn tơgop nơ̆r lơ̆m dôm hla ar chih kăl, trong jang rơih bơngai jang păng tơdrong jang hơmet ăn Hop akŏm bơngai tang măt Đảng bộ dêh char jăl jang 2025 - 2030.
Hăm dêh char Hưng Yên, Kơdră teh đak athei kăl akŏm dăr hơlen pơjing tơdrong jang tơgŭm tơlĕch jên jang hơtŏk tơiung kơmăy kơmŏk, choh jang sa trŏ lăp; hơtŏk tơiung 1,2 tơdrong jang kơmăy kơmŏk ‘nao, choh jang sa rơgoh, cham char, pơm tơlĕch tih, iŏk yua kơmăy kơmŏk ‘nao, kơjă tŏk lơ; hơtŏk tơiung anih kơdrơ̆m, pơvih pơvăn, tĕch mơdro ‘lơ̆ng; hơtŏk tơiung ŭnh hơyuh rơgoh, jăh hơnhăk Hưng Yên jing hơnih jang ŭnh hơyuh kơ tơring tơmăn đak krong Hồng.
Athei Anih jang Đảng dêh char Hưng Yên, Cà Mau tơchĕng hơlen, chih iŏk nơ̆r tơgop đơ̆ng bơngai jang lơ̆m Anih tơm Chĭnh trĭ, Ban Bí thư, dôm anih jang kơpal, anih tơm, anih jang Trung ương vă chih pơkeh dôm hla ar kăl, pơgơ̆r ‘lơ̆ng Hop akŏm.
Viết bình luận