Hloh 236 rơbâu ti hlak jên hlôi đei hơvơn pơyua ăn tơdrong jang tang găn jĭ Covid-19
Thứ tư, 08:17, 12/04/2023
VOV/Thuem tơblơ̆
VOV/Thuem tơblơ̆
VOV4.Bahnar - Pơgê 11/4, Anih chĕp kơ̆l pơgơ̆r Kuôk hô̆i tơgop nơ̆r lơ̆m hla ar tơroi tơbăt Pơtôch bơ̆jang kiơ̆ dăr hơlen tơdrong jang “Tơdrong hơvơn, vei lăng păng iŏk yua dôm kon jên jang pơyua ăn tơdrong jang tang găn jĭ COVID-19; tơdrong bơ̆jang kiơ̆ trong jang tơgŭm, khôi luơ̆t găh pơgang tơring, pơgang tang găn hơdrol”.
Tơroi tơbăt đơ̆ng khŭl dăr hơlen ăn ƀôh, akŏm jên hơvơn pơyua ăn tơdrong jang tang găn jĭ Covid-19 ‘noh hloh 236 rơbâu ti hlak jên. Lơ̆m noh jên jang teh đak ‘noh hloh 189 rơbâu ti hlak jên, hơvơn đơ̆ng dôm jên tơgŭm ‘noh hloh 47 rơbâu ti hlak jên. Hlôi đei kơ triê̆u ‘nu bơngai jang tơgŭm, mă loi ‘noh jĭ khŭl kang ƀô̆ jang pơgang, khŭl linh kơtă vang jang tang găn jĭ.
Rim răih kon pơlei, tơpôl mơdro sa, dôm khŭl jang apŭng plĕnh tơgop jơhngơ̆m, jên, tơmam. Kơdră Kuôk hô̆i Vương Đình Huệ athei khŭl dăr hơlen tơroi hơdăh tơdrong pơtôch kơ jă tuch luch dômkon jên lơ̆m păng ‘ngoăih teh, pơm rơ đăh oei dôm yơ tam mă đei pơ tôch, dôm yơ tam mă đei kla ăn, đei hiong, glăi kiơ? kơsô̆ vắc-xin rơđăh, hloh khei ‘năr gơh yua mă hơdăh ‘noh dôm yơ.
Viết bình luận