Kiơ̆ tơlĕch jang, Lêh pơjao Hơpăh Diên hồng gô đei pơgơ̆r ăh năr 9/6 tơ̆ Anih Joh ayŏ tơbôl Việt Xô. 'Nâu jing kơtơ̆ng ang kăp gĭt tơ̆ Hop akŏm 'măng mă mônh kơ Jơnŭm châ̆m hơlen Hơpăh Diên hồng đei pơgơ̆r ăh kơsơ̆ âu tơ̆ Hnam kuôk hô̆i. 'Nâu jing tơmam hơpăh ƀăo chĭ tih găh anih jang kon pơlei pôk, đei tơdrong kăp gĭt păng đei tơdrong tơrĕk tih tên đơ̆ng đe Kơdră kơpal Kuôk hô̆i. Tơmam hơpăh hlôi hơvơn lơ bơngai đơ̆ng anih jang ƀăo chĭ, khul jang kơ dôm bơngai jang ƀăo. Jô̆ đơ̆ng pơtơm truh đĭ năr 30/4, Jơnŭm pơgơ̆r hlôi iŏk đei hloh 3.000 tak phâm pơtruh pơlong. Dôm tak phâm hlôi tơtom axong khul vă 'măn ăn tơdrong châ̆m pơlong hơpăh. Hăm dôm bơngai chih, tak phâm đei jơnei, Anih jang Kuôk hô̆i gô axong jên hơpăh, Hla bar pơkăp Hơpăh atŭm hăm tơmam pơtih Hơpăh; axong jên hơpăh păng Ƀăng hmach bơnê hăm anih jang ƀăo đei jơnei iŏk tơmam hơpăh.