Tơdrong jang pơm trong gre kơdâu hrĕnh Tân Phú - Bảo Lộc kơjung dang 66km, lơ̆m nŏh 11km năm klĕch apŭng Tân Phú, dêh char Đồng Nai păng 55km găh dêh char Lâm Đồng. Kŭm hăm trong gre kơdâu hrĕnh Tân Phú - Bảo Lộc, Anih vei lăng kon pơlei dêh char Lâm Đồng kŭm oei hăt tơlĕch tơdrong jang pơm trong gre kơdâu hrĕnh Bảo Lộc- Liên Khương hai, trong kơjung 74km, trong xă gơ̆h ăn 4 tong gre kơdâu, akŏm đĭ đăng jên jang pơhlom dang 19.521 ti.

Dôm tơdrong jang pơm trong gre kơdâu hrĕnh Tân Phú – Bảo Lộc păng Bảo Lộc - Liên Khương âu jĭ trong gre tơm tơƀưh dêh char Lâm Đồng hăm plt HCM păng dôm dêh char găh Pơbăh. Mưh pơm đang gô pơjing jơhngâm pran vă jang atŏk tơiung mŭk drăm đơ̆ng dêh char Lâm Đồng păng dôm dêh char lơ̆m tơring.