Đơ̆ng rŏng vă jê̆ 2 sơnăm ming man, tơdrong jang au hlôi jang keh đak hơdrol jơ ‘năr pơkăp 3 khei.

Trong glung rĕnh Nha Trang - Cam Lâm kơ yuơ Grŭp jang Sơn Hải pơm tơngla tơmơ̆t jên jang, akŏp kon jên jang hloh 7.600 ti hlak jên, trong atăih hloh 49 km, lơ̆m găh dêh char Khánh Hoà. Trong au đei 4 trong gre kơdau tingring hăm trong să 17m, iung jang iŏk tơvih kon jên tơmơ̆t jang dang hloh 16 sơnăm. Truh dang ei, tơdrong jang au hlôi pơm keh đang. Tơngla tơmơ̆t jên jang tŏk bŏk akŏm kmăi kmok, gre, khul jang vă pơm pơkeh đang hloi dôm hơnih tim mă keh đang nhen: Man pơkeh tuch luch, chă pơlăp dur jih, ŭnh hơyuh, kơƀang tơbăt, pơm rơgoh trong. Tơchĕng hơlau trong glung rĕnh Nha Trang- Cam Lâm et hơtŏk lơ̆m năr 19/5 kơnh.