Kơsơ̆ năr 7/4, Khul bơ̆ jang kơ Hơnih tơm vei lăng bơ̆ jang pơgang kơ yuơ Kơ iĕng Kơdră chĕp pơgơ̆r Hơnih tơm vei lăng Bơ̆ jang pơgang Trần Văn Thuấn pơm kơdră Khul hlôi bơ̆ jang hăm Hơnih vei lăng kon pơlei dêh char Đak Lăk găh tơlĕch jang kiơ̆ tơdrong vă jang Tơ iung pơjing Hnam pơgang tơm Trung ương tơring Tây Nguyên.  

Tơdrong vă jang Hnam pơgang tơm Trung ương tơring Tây Nguyên gah lơ̆m Hơnih tơm vei lăng Tơdrong bơ̆ jang Pơgang hăm đei 500 tŏ giơng gô đei tơ iung pơjing tơ̆ phương Tân An, pơlei tơm Buôn Ma Thuột, dêh char Đắk Lắk lơ̆m hơgăt teh să dang 15,6 ha. Tơring hlôi dăr lăng, pơjing trong jang vă hrŭ ăn, pơjing hơnih oei ‘nao, kon jên tơmơ̆t jang dang 147 ti hlak jên. Tơ̆ jơ bơ̆ jang, rim kơdră tang măt akŏm pơma dơnuh găh bơ̆jang iŏk tơvih teh; hơmet ăn păng pơtho pơjing khul bơ̆ jang gơ̆h hơgei ăn Hnam pơgang tơm au; lăng hơlen tơplih hơnăn Hnam pơgang vă veh ver hơnăn lei lăi hăm rim hơnih anai; Kơ iĕng Kơdră chĕp pơgơ̆r Hơnih tơm vei lăng Bơ̆ jang pơgang Trần Văn Thuấn hôn bơnê kơtang tơdrong bơ̆ jang hơdoi đơ̆ng dêh char Đăk Lăk hăm tơdrong hơmet ăn kon jên tơmơ̆t jang tơ iung pơjing Hnam pơgang tơm Trung ương tơring Tây Nguyên. Ƀok ‘meh vă lơ̆m khei năr kơnh dêh char hơnơ̆ng đei trong tơgŭm djru Hơnih tơm vei lăng bơ̆ jang pơgang atŏk kơtang jang kiơ̆ rim tơdrong pơm hla bơar vă tơlĕch iung jang hloi tơdrong jang au, bơ̆ jang iŏk tơvih teh...