Đơ̆ng rŏng 5 năr 1poăt bơ̆ jang, pơgê năr 29/9, Hơnih bơ̆ jang khul kơdră chĕp pơgơ̆r Kuô̆k hô̆i pơtôch hop akŏm mă 49, hlôi lăng hơlen 34 tơdrong kăl, lơ̆m ou đei 13 tơdrong vă jang pơjing khôi luơ̆t hơmet ăn pơtruh ăn Kuô̆k hô̆i pơdrơ̆ng kiơ̆ tơ̆ ‘Măng hop akŏm mă 10. Kơdră chĕp pơgơ̆r Kuô̆k hô̆i Trần Thanh Mẫn athei rim hơnih bơ̆ jang tĕnh koăng tơgoăt iŏk tôm nơ̆r tơgop hlôi drơ̆ng mĭnh nơ̆r, pơm pơkeh hla bơar tơbăt bơ̆ jang pơtruh ăn kơdră tang măt ƀlep jơ ‘năr pơkă. ‘Măng hop akom mă 10, ‘măng hop akŏm tuch luch kơ Kuô̆k hô̆i jăl XV, hăm lơ tơdrong jang tih tên, lăng hơlen răh rim tơdrong jang joăt joe, adoi hơlen pơtôch tơdrong jang păng pơdrơ̆ng kiơ̆ lơ tơdrong kăl lăng truh jăl ‘nao. Tơchĕng hơlou, Kuô̆k hô̆i gô lăng hơlen, pơdrơ̆ng kiơ̆ vă jê̆ 50 tơdrong vă pơjing khôi luơ̆t, tơdrong tơchơ̆t, lơ̆m ou đei lơ tơdrong tơchơ̆t kăl vă hơmet pơ ‘lơ̆ng, tơlĕch jang kiơ̆ tơtom rim trong bơ̆ jang ‘nao kơ Trung ương găh pơtho pơhrăm, jang pơgang păng vang mơ̆t hơdoi apŭng plĕnh teh.