Iung pơma tơ̆ pơgơ̆r blŭng a, Kơdră chĕp pơgơ̆r Kuô̆k hô̆i Vương Đình Huệ tơbăt, tơ̆ hop akŏm au, Hơnih bơ̆ jang chĕp pơgơ̆r Kuô̆k hô̆i tơgop nơ̆r 3 tơdrong vă pơjing khôi luơ̆t kăl vă pơtruh ăn Kuô̆k hô̆i ăn tơgop nơ̆r tơ̆ ‘Măng hop akŏm mă 5 ‘noh đei: Khôi luơ̆t tĕch răt teh hnam (hơmet ming); Khôi luơ̆t Viễn thông (hơmet ming) păng Khôi luơ̆t kăn kươk kon pơlei (hơmet ming). Jei tơ̆ hop akŏm au, Hơnih bơ̆ jang chĕp pơgơ̆r Kuô̆k hô̆i ăn tơgop nơ̆r găh tơdrong pơtruh ăn Kuô̆k hô̆i tơchơ̆t tơmơ̆t dơ̆ng lơ̆m Tơdrong jang tơ iung pơjing Khôi luơ̆t, Khôi luơ̆t tơm teh đak hăm 2 tơdrong vă jang ‘nŏh: Khôi luơ̆t Trong nơnăm, Khôi luơ̆t vei lăng sơđơ̆ng trong nơnăm.

Adoi, rim kơdră tang măt tơgop nơ̆r găh Hla bơar pơtruh ăn đơ̆ng Khul kơdră Teh đak tơlĕch mĭnh ƀả trong jang ‘nao lơ̆m bơ̆ jang vei lăng tơdrong mơ̆t lĕch, tơdrong mơ̆t oei kơ bơngai teh đak đe tơ̆ Việt Nam lơ̆m Tơdrong tơchơt atŭm kơ Kuô̆k hô̆i tơ̆ ‘măng hop akŏm mă 5; trong jang tơmơ̆t jên jang ming man trong tơƀưh tơring rim dêh char Khánh Hòa, Ninh Thuận păng Lâm Đồng.