‘Măng pơgơ̆r pôk rơih Kơdră tang măt Kuô̆k hô̆i jăl XVI păng Jơnŭm vei lăng kon pơlei rim hơnih dêh char Quảng Ngãi jăl jang 2026 – 2031 đei pơgơ̆r lơ̆m năr 15/3/2026 (năr Tơpơ̆h). ‘Nou jĭ tơdrong pơgơ̆r chinh trĭ gĭt kăl hloh đei pơgơ̆r lăp đơ̆ng rŏng Hop akŏm tih Kơdră tang măt Đang ƀô̆ dêh char Quảng Ngãi ‘măng mă I, Hop akŏm tih Kơdră tang măt lơ̆m teh đak ‘măng mă XIV kơ Đảng. Yă Bùi Thị Quỳnh Vân, Ƀĭ thư Đảng dêh char Quảng Ngãu athei Hơnih bơ̆ jang pơvih pơvăn ăn Đảng dêh char iung jang hơdoi hăm rim hơnih đei ƀơm truh tĕnh koăng pơjing keh đang trong prơprŏ jang kiơ̆ bơ̆ jang pôk rơih. Ƀĭ thư Đảng dêh char Quảng Ngãi drơ̆ng nơ̆r pơjing Khul jang pơvih pơvăn ăn Hơnih chĕp pơgơ̆r pôk rơih dêh char, athei iung jang keh đang hloi tơdrong pơjing Hơnih vei lăng Pôk rơih dêh char păng tơring hơdrol năr 30/11/2025.