Vang năm hop akŏm đei 178 ‘nu tang măt noh đe kang ƀô̆, bơngai jang, hơdruh tơdăm hơgei tang măt ăn hloh 151.000 hơdruh tơdăm jơ̆p dêh char Đăk Nông. Jăl jang 2024-2029, hăm hơnăn "Hơdruh tơdăm Đăk Nông tơguăt tơguăl – yuk hơlâu – hơpơi ‘meh – hơtŏk tơ-iung", Jơnŭm đe hơdruh tơdăm Việt Nam dêh char Đăk Nông pơtoi tơlĕch lơ trong jang pơ-‘lơ̆ng khul hơdruh tơdăm hơrih pơm jang trŏ đon bơnôh kăch mạng, băt ‘mêm kơ teh đak, jang tơnăp sơnong jang po hăm pơlei pơla, teh đak, tơpôl.

Khul hơdruh tơdăm Đăk Nông pơjing tơdrong hŏk pơhrăm, pơm jang, pơchơt vă hơdruh tơdăm hơtŏk ‘lơ̆ng, tôm tơdrong, hơbĕch hơbal lơ̆m tơdrong vei lăng teh đak păng hơtŏk tơ-iung mŭk drăm tơpôl.