Hop akŏm bơngai tang măt jang kơtă lơ̆m Kuô̆k hô̆i tơgop nơ̆r ăn 7 kơ luơ̆t
Thứ tư, 08:23, 29/03/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Lơ̆m 3 năr, đơ̆ng ‘năr 5 truh 7/4, tơ̆ Hnam Kuô̆k hô̆i vă pơgơ̆r Hop akŏm Bơngai tang măt jang kơtă lơ̆m Kuô̆k hô̆i vă tơgop nơ̆r ăn 7 Luơ̆t vă roi tơbăt ăn Kuô̆k hô̆i lơ̆m hop akŏm mă 5.
Mă hơdăh, năr mă blŭng, dôm anih pơgơ̆r vă hơlen năng hla ar chih găh 1,2 tơdrong tih oei đei lơ nơ̆r pơma phara băl lơ̆m dôm kơ luơ̆t đei: Luơ̆t Hơp tak xăh (oei chih hơmet), Luơ̆t Chă rơih bơ ngai iŏk jang (oei chih hơmet), Luơ̆t Vei lăng tơdrong đei yoa ăn bơngai răt tơmam (oei chih hơmet).
Đơ̆ng rŏng kơ ‘nŏh, dôm bơngai tang măt mơ̆ng nơ̆r pơre găh 1,2 tơdrong tih oei đei lơ nơ̆r pơma phara băl găh Luơ̆t Kơjă (oei chih hơmet) păng Luơ̆t tech mơdro hăm điên tư (oei chih hơmet) păng pơma nuh găh 2 luơ̆t ‘nâu. Lơ̆m năr bơ̆ jang mă hơtuch, dôm bơngai tang măt pơma nuh găh Luơ̆t Tĕh (oei chih hơmet) păng Luơ̆t kon pơlei Tang găn tơdrong sar bar.
Viết bình luận