Kơdră VCCI Phạm Tấn Công akhan, apŭng plĕnh teh kŭm nhen Việt Nam hlôi yak hloh dôm tơdrong tơplih iŏk đơ̆ng đei ƀôh jĭ COVID-19 hlôi pơm ăn tơdrong tơhlăk tơhlĭn, hiơ̆ hyĭn lơ̆m pơm tơlĕch tĕch mơdro păng tơdrong pơm tơlĕch, tĕch tơmam jơ̆p plĕnh teh. Dôm tơdrong tơm âu tŏk bŏk tơlĕch ăn athei anih tĕch mơdro athei hơmet ming anih dơ̆ng thoi yơ vă jang đei păng hơtŏk tơiung.

Tơ̆ hop akŏm, dôm bơngai pơma tơblang hlôi hơlen lăng dôm tơdrong tơm ƀơm truh jang tŏk mŭk drăm păng tơdrong jang pơm tơlĕch tĕch mơdro đơ̆ng tơpôl anih tĕch mơdro Việt Nam, băt hơdăh dôm tơdrong hiôk kăl kơ đei tơgĕch iŏk vă anih tĕch mơdro pơih xă tĕch mơdro tơ̆ teh đak đe, sơng đei tơmơ̆t jên jang ‘lơ̆ng păng dôm tơmam, jên jang tơgŭm hơtŏk tơiung.