Kiơ̆ tơdrong hơlen năng lơ̆m hop akŏm, tơdrong pơtho hŏk phô thŏng tơ̆ Tây Nguyên tŏk roi ‘lơ̆ng vă dang ei hăm tĕh đak bơih. Khul thây kô pơtho păng kăn ƀô̆ vei lăng pơtho pơhrăm đei pơngơ̆t ăn tôm tơdrong, roi tŏk lơ păng roi gơ̆h hơgei, dar dĕh pơm lăp hăm tơdrong ‘mĕh vă tơplih ‘nao pơtho pơhrăm. 

Mă lei, kiơ̆ dôm bơngai tang măt, dôm tơdrong tơplih đơ̆ng pơtho pơhrăm tơ̆ tơring Tây Nguyên năng atŭm oei hiơ̆, tam mă pơm lăp hăm tơdrong ‘mĕh vă jang tŏk mŭk drăm, tơpôl; khul bơngai jang tam gan gơ̆h hơgei păng oei đei lơ tơdrong nol.

Pơma pơtôch hop akŏm, ƀok Nguyễn Kim Sơn, Kơdră tơm vei lăng pơtho pơhrăm athei, tơ̆ hơnăp kơnh, dôm tơring hơnơ̆ng pơtho pơhrăm ming, pơm hơtŏk tơdrong rơgei ăn khul thây kô; tơproh trong pơjing ming mna hnam trưng, lăm hŏk mă lăp; krao hơvơn tơpôl vang bơ̆ jang găh pơtho pơhrăm, hơtŏk tơdrong ‘lơ̆ng, iŏk yoa khul bơngai jang, mă loi jĭ khul bơngai jang hơdrĕch kon kông kơtă tơ̆ tơring, tơklep hăm tơdrong ‘mĕh vă atŏk tơiung mŭk drăm, tơpôl.