Pơgê năr 16/9, Anih tơm Chinh trĭ, Ƀan Ƀĭ thư pơgơ̆r Hop akŏm jơ̆p teh đak vă băt hơdah păng tơlĕch pơm kiơ̆ 4 tơchơ̆t kăp gĭt đei: Tơchơ̆t 59 gah jang hơdoi lơ̆m apŭng plenh teh; Tơchơ̆t 70 gah vei sơđơ̆ng unh hơyuh; Tơchơ̆t  71 gah hơtŏk pơtho pơhrăm; păng Tơchơ̆t 72 gah vei lăng păng pơ-'lơ̆ng jơhngơ̆m jăn kon pơlei. Pơma pơgơ̆r, Tổng Bí thư Tô Lâm ră hơdah tơdrong kăp gĭt kơ hop akŏm, păng sơkơ̆t đei dôm Tơchơ̆t ou jing pơtoi păng hơtŏk kơtang ăn “Puăn Tơchơ̆t” dơnơm.

Tổng Bí thư Tô Lâm akhan, athei pơjing Jơnŭm pơgơ̆r Trung ương hăm rim Tơchơ̆t dah mă Jơnŭm pơgơ̆r Trung ương gah tơdrong pơm kiơ̆ dôm Tơchơ̆t đơ̆ng Anih tơm Chinh trĭ. Tổng Bí thư pơgơ̆r rim anih jang tơm, rim tơring, rim kang ƀô̆, đảng viên pơtơm pơm kiơ̆ hăm pơkăp “pơma 'noh jang hloi”, bơngai chĕp kơ̆l chiu pŭ tơdrong jang đei, ưh đei tơpŭ klenh ou to.