Tơ̆ hop akŏm dôm bơngai tang măt akŏm pơm hơdăh dôm tơdrong jang đơ̆ng Đảng găh vei lăng Teh đak, vei lăng sơđơ̆ng teh đak, vei sơđơ̆ng tơpôl păng pơjing Kŏng an kon pơlei lơ̆m jăl jang Hop akŏm XIII. Lơ̆m noh, tôch kơ lăng kăl tơdrong tơchĕng hơlen, lăng kơ năl dôm tơdrong ‘nao đei ƀôh lơ̆m pơ đĭ hlôh vao, lý luận păng yan âu vei lăng Teh đak, vei lăng sơđơ̆ng teh đak, vei sơđơ̆ng tơpôl, pơjing Kŏng an kon pơlei kiơ̆ tơdrong Tơchơ̆t Hop akŏm XIII kơ Đảng.

Hla ar kăl Hop akŏm 13 kơ Đảng sơkơ̆t hơdăh tơdrong ‘lơ̆ng đơ̆ng kang ƀô̆, đảng viên, mă hơdrol ‘noh jĭ khŭl kang ƀô̆ bơ̆jang. ‘Noh jĭ dôm kang ƀô̆ ưh khan lăp đei jơhngơ̆m đon ‘lơ̆ng, jang hơgei đĕch mă oei athei đei bưng ai dơ̆ng. Đei thoi noh, tơdrong chĕp kơ̆l pơgơ̆r đơ̆ng Đảng mă đei vei sơđơ̆ng, pơm ăn kơ Đảng hơtŏ hăm hơnăp jang.