5 sơnăm âu ki, tơdrong jang pơjei băl pôk hơpăh păng Tơdrong jang Pơjei băl Khŏm jơnei đơ̆ng Ƀô̆ đô̆i vei lăng tơring sơlam hlôi hơtŏk tơiung pran kơtang, jơ̆p jang, iŏk đei lơ jơnei gĭt kăl. Tơdrong hơiă ‘noh jĭ, dôm anih jang, anih Ƀô̆ đô̆i vei lăng tơring sơlam hlôi ling lang iung jang đang hơnăp jang chĭnh trĭ, lăng kăl găh tơring; tơklep kơjăp Tơdrong jang Pơjei băl Khŏm Jơnei hăm dôm tơdrong krao hơvơn tih đơ̆ng Đảng, Teh đak, Khŭl lĭnh păng tơring, pơm jing dôm tơdrong jang ‘lơ̆ng kach mang, dôm ‘măng hŏk hôp chĭnh trĭ jrŭ să, pơlung rim khŭl grŭp, bơngai ưh kơ đei pơdơh hơdrin yak tŏk.

Dôm jơnei mă dôm khŭl grŭp, bơngai jang đei ‘noh jĭ jơnei đơ̆ng tơdrong hơdrin ưh kơ đei pơdơh, tơdrong plang jơhngơ̆m ưh kơ đei bu băt, ‘meh vă pơjei băl ‘lơ̆ng đơ̆ng kang ƀô̆, khŭl lĭnh, tơgop pơm hơdăh dơ̆ng jơhngơ̆m đon ‘lơ̆ng “Ƀô̆ đô̆i ƀok Hồ” lơ̆m chăl hle.