Lơ̆m jăl I, lơ̆m teh đak đei 2.346 ‘măng gre tơtơ̆m hơlŭk, pơm ăn hloh 1.400 ‘nu bơngai lôch, 1.500 ‘nu bơngai rơka; pơtêng hăm sơnăm sơ̆, gre tơtơ̆m hơlŭk tơjur pơđĭ 3 tơdrong găh ‘măng, găh măt bơngai lôch, găh măt bơngai rơka. Đei 14 dêh char tơjur hloh 40% măt bơngai lôch ‘nŏh: Đà Nẵng, Đắc Nông, Long An, Cần Thơ, Thái Nguyên, Phú Thọ, Bắc Giang, Điện Biên, Lai Châu…Mă lei oei đei 16 dêh char đei măt bơngai lôch kơ yuơ đơ̆ng gre tơtơ̆m hơlŭk tŏk kơtang pơtêng hăm dôm khei au sơnăm sơ̆.

Pơma pơtôch hop akŏm, Kơ iĕng Thủ tướng Trần Lưu Quang athei, lơ̆m khei năr kơnh ‘ngoăih tơdrong vang iung jang kơtang đơ̆ng rim hơnih tơm, hơnih bơ̆ jang, tơring tơrang kăl atŏk kơtang pơrô̆ pơrôp, pơtho tơbăt atŏk jơhngơ̆m đon hlôh vao kơ bơngai hao gre rok trong păng sơđơ̆ng ‘lơ̆ng hơ iă mư̆h vang chă yak tơ̆ trong glung.