Hop akŏm đei pơih trực tuyến (4 jăl) đơ̆ng anih jang Khŭl kơdră teh đak truh dôm anih tơm, anih jang, dôm dêh char, pơlei tơm găh Trung ương, rim tơring tơ̆ apŭng, tơ̆ xăh. Đơ̆ng rŏng kơ mơ̆ng dôm nơ̆r tơgop pơma, pơtôch ‘măng hop akŏm Thủ tướng Phạm Minh Chính pơma hơdăh đon tơchĕng pơgơ̆r jang ‘noh jĭ lăp pơma kơ jang ưh kơ pơma kơdŭn, ưh kơ pơma ưh, ưh kơ pơma mơmat, ưh kơ pơma đei mă ưh kơ jang.

Găh tơdrong hơgăt Thủ tướng pơma hơdăh, rim kon pơlei Việt Nam jô̆ hloi dôm bơngai tam mă đei the ƀao hiêm pơgang adoi iŏk yua 1 kơsâp hla ar jơhngơ̆m pran điện tử lơ̆m ứng dụng VneID. Truh blŭng sơnăm 2025, đĭ đăng anih jang pơgang (teh đak păng kơdih) păng đei 40 triệu ‘nu kon pơlei yua Kơsâp hla ar jơhngơ̆m pran điện tử păng đĭ đăng kon pơlei đei ‘meh vă đei asong kơphiê̆u lý lịch tư pháp kiơ̆ VneID.