Pơ gê 11/4, tơ̆ Hà Nội, Anih jang Đảng Grŭp dôm anih jang Trung ương pơgơ̆r Hop akŏm roi tơƀôh đon tơchĕng păng nơ̆r pơma lơ̆m tơpôl tŏk bŏk jăl jang Hop akŏm 13 vă hơlen lăng pơ tôch tơdrong jang roi tơƀôh đon tơchĕng păng nơ̆r pơma lơ̆m tơ pôl đơ̆ng blŭng jăl jang truh đang ei păng hơnăp jang trong jang tơ̆ hơnăp kơnh hăm đon tơchĕng păng nơ̆r pơma lơ̆m tơpôl lơ̆m Đảng bộ Grŭp. Pơma pơtho tơƀôh tơ̆ Hop akŏm, ƀok Nguyễn Văn Thể, Bí thư Anih jang Đảng Grŭp anih jang Trung ương akhan: Tơdrong jang găh đon tơchĕng păng nơ̆r pơma lơ̆m tơ pôl khei ‘năr âu ki hlôi đei Anih jang Đảng Grŭp păng rim kơdră đảng bơngơ̆t truh, lăng kăl; tơdrong jang băt hơdăh, tơroi tơbăt, trong vă jang păng hơmet pơ ‘lơ̆ng dôm tơdrong găh tơdrong đon tơchĕng păng nơ̆r pơma lơ̆m tơ pôl tơtom ƀiơ̆.

Ƀok Nguyễn Văn Thể athei tơ̆ hơnăp kơnh Anih jang Đảng Grŭp păng dôm kơdră đảng hơnơ̆ng bơ̆jang kiơ̆ ‘lơ̆ng ‘măng pơ long nơ̆r pơma tơblang găh vei lăng đon tơchĕng đơ̆ng Đảng; hơdai hăm pơ jing trong tơlĕch jang pơgơ̆r bơ̆jang kiơ̆ tơ păt dôm tơdrong hơgăt găh hơnăp jang roi tơƀôh bơngai jang ‘lơ̆ng đơ̆ng kang ƀô̆, đảng viên tơklep hăm bơ̆jang kiơ̆ Tơdrong tơchơ̆t kơ sô̆ 01 đơ̆ng Anih tơm Chĭnh trĭ găh hơnơ̆ng bơ̆jang kiơ̆ tơdrong tơchơ̆t 05- găh tŭn pran hŏk pơhrăm păng pơm kiơ̆ jơhngơ̆m đon ‘lơ̆ng đơ̆ng ƀok Hồ.