‘Nou jĭ nơ̆r tơbăt tơ̆ jơ hop akom tơbăt ăn khul chih kơtơ̆ng ang kơ yuơ Hơnih bơ̆ jang Trung ương MTTQ Việt Nam pơgơ̆r pơgê năr 4/10. Hla bơar tơchơ̆t Hop akŏm bơngai tang măt lơ̆m teh đak Mặt trận Tổ quốc Việt Nam ‘măng mă 10 đei pơjing ‘moi kiơ̆ rim trong bơ̆ jang ‘nao kơ Đảng, hơlen tôch brĕ tơdrong bơ̆ jang Măt trân đơ̆ng tơring, iŏk nơ̆r tơgop đơ̆ng rim hơnih bơ̆ jang, khul jang păng rim răih kon pơlei păng dôm trong jang kăl ‘nao. Găh trong hơmet ăn Khul kơdră bơ̆ jang pơtruh ăn Hop akom, tơchĕng hơlou măt bơngai Kơdră jang lơ̆m Hơnih bơ̆ jang Trung ương Mặt trận Tổ quốc Việt Nam jăl X ‘noh: 405 ‘nu bơngai (tŏk 20 ‘nu bơngai pơtêng hăm jăl IX). Lơ̆m ou, chih hơnăn ăn pôk tơmơ̆t dơ̆ng đei 249 ‘nu (jơnei 61,5%), ‘nao ‘noh 156 ‘nu (jơnei 38,5%). Hop akŏm jei hơmet ming, tơmơ̆t dơ̆ng Tơdrong tơchơ̆t MTTQ Việt Nam, lơ̆m ou pơm hơdăh tơdrong jang, tơdrong gơ̆h jang kơ Khul kơdră chĕp pơgơ̆r găh tơlĕch jang rim ‘măng pơrô̆ hơvơn, rim tơdrong jang pơting dih băl ‘mêm kơ eng teh đak kơ lơ̆m teh đak, tôm tong.