‘Nâu jĭ hop akŏm vă dôm tơring Tŏk bŏk - Tây Nguyên pơma atŭm păng dêh char Quảng Ngãi pơma hơdrô̆ vang tơroi tơdrong hlôh vao, trong jang pơcheh, kŭm nhen tơroi dôm tơdrong mơmat tat, ‘long nol kơ tơring vă dôm anih jang trung ương chă trong hơmet pơ ‘lơ̆ng. ‘Moi kiơ̆ hop akŏm, Kơdră tơm - Kơdră Anih vei lăng hơdrĕch kon kông Hầu A Lềnh ‘meh vă hơnơ̆ng iŏk đei dôm nơ̆r tơgop tơpăt, tơtom đơ̆ng rim tơring.

Hơdai hăm, pơkăp jang hơdai kơjăp hăm dôm anih jang Trung ương păng anih jang vei lăng tơdrong jang kon kông tơ̆ tơring, mă loi ‘noh jĭ tơring Tŏk bŏk - Tây Nguyên păng Hơlĕch Pơbăh khŏm bơ̆jang kiơ̆ jơnei păng jang đang 100% dôm tơdrong hơgăt tơlĕch ăn tơ̆ Tơchơ̆t kơ sô̆ 1719/QĐ-TTg ‘năr 14/10/2021 đơ̆ng Thủ tướng Teh đak.