Jang kiơ̆ tơdrong jang hơdoi ƀar păh iung jang pơrô̆ pơrôp pơtho tơbăt ăn kon pơlei, kon kông rim trong bơ̆ jang, Tơdrong tơchơ̆t đơ̆ng Đảng, khôi luơ̆t Teh đak găh bơ̆ jang vei lăng năng tông kon kông, tơgŭm djru kon kông păng tơgoăt tơgoăl mĭnh nơ̆r ƀơ̆r đon hơdrĕch hơdrung.

Adoi pơgơ̆r, chă pơrô̆ hơvơn kon pơlei kon kông vang iung jang kơtang hloh dơ̆ng tơdrong jang kơ teh đak. Iung pơma pơrŏ jang tơ̆ hop akŏm, ƀok Đỗ Văn Chiến, Kơdră chĕpp pơgơ̆r Hơnih jang Trung ương Mặt trận Tổ quốc Việt Nam hôn bơnê kơtang tơdrong bơ̆ jang hơdoi kơ ƀar păh tơgop lơ̆m bơ̆ jang tơ iung pơjing trong bơ̆ jang tơgŭm djru; athei lơ̆m khei năr kơnh, ƀar păh iung jang hơdoi kơtang hloh dơ̆ng, tơlĕch jang jơnei hloh dơ̆ng rim tơdrong jang, tơdrong tơgŭm djru, trong vă jang atŏk tơ iung tơring kon kông, mă kăl ‘nŏh Tơdrong jang teh đak atŏk tơ iung mŭk drăm-tơpôl tơring kon kông, groi kông jăl jang 2021-2030.