Lơ̆m 'măng năm tơmang Kơpal truh Việt Nam, năr (11/9), Kơdră tơm teh đak Australia Sam Mostyn atŭm hăm klo yă năm truh tơdrong Hop akŏm Việt Nam – Australia rim sơnăm 'măng mă 3 tơ̆ Hà Nội. Bơnê kơ dôm tơdrong jang hơdoi đei jơnei tơnăp lơ̆m Jang Tơbôl tôm tơdrong Việt Nam - Australia, Kơdră tơm teh đak Australia Sam Mostyn akhan, lơ̆m sơnăm 2025, ƀar teh đak gô pơtoi atŭm băl sek tơlang dôm tơdrong tơnap tap kơ tơdrong hơrih jang xa: nhen tơdrong jang tĕch pơdro xa lơ̆m apŭng plenh teh đei lơ tơsŭl tơsăl, hơtŏk mŭk drăm, tơplih kơmăi kơsô̆, tơplih gah unh hơyuh, tŏ 'mi kial tơplih, hơtŏ hơnơ̆ng drŏnglo drăkăn păng pơ-'lơ̆ng tơdrong jang kơ teh đak.

Lơ̆m Hop akŏm, rim bơngai tang măt akŏm pơma đam dôm tơdrong kăl hơmet pơ-'lơ̆ng kơ Việt Nam, đei hloi chih akŏm khôi luơ̆t teh đak, tơplih kơmăi kơsô̆, jang hơdoi lơ̆m a pŭng plenh teh păng hơtŏk tơ-iung tơring jang mŭk drăm tơ-'ngla pơm tơm. Tơdrong akŏm adoi hmach bơnê kơ tơdrong tơgŭm đơ̆ng Australia hăm tơdrong hơtŏk hơbĕch hơbal ăn tơdrong jang teh đak păng hơtŏk hơgei ăn bơngai jang kơ Việt Nam.