Hơpăh Hla Kơ teh đak păng Rup Ƀok Hô ăn dôm unh hnam tơ̆ tơring sơlam
Thứ tư, 10:30, 20/08/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar - Trung ương Đoàn druh dăm cộng sản Hồ Chí Minh tơlĕch tơdrong jang “Inh ‘mêm teh đak – Hưch hanh kơ Việt Nam”, vang hơpăh 80.000 blăh Hla Kơ teh đak păng 80.000 tŏ rup Ƀok Hô ăn dôm unh hnam pơmat tat tơ̆ tơring sơlam.
‘Nâu jĭ tơdrong jang tôch hơiă, tơguăt kơtriu ‘nu kon pơlei Việt Nam vang gơih ăn tơring sơlam kơ teh đak lơ tơmam tôch sĭt. Tơdrong jang ‘nâu đei lơ̆m tơdrong jang Inh ‘mêm teh đak yoa Khul druh dăm Việt Nam pơgơ̆r vă tơbăt 80 sơnăm Kăch mang khei 8 păng năr Quốc khánh teh đak Cộng hòa xã hội chủ nghĩa Việt Nam (2/9).
Tơ̆ dêh char Đắk Lắk, tơdrong jang tŏk bŏk đei tơlĕch kiơ̆ mang tơpôl, kiơ̆ lơ tơdrong jang tôch hơiă tơ̆ dôm tơring. Lơ̆m noh hơtŏk dôm tơdrong jang hue lăng truh bơngai oei pơmat tat, mă loi jĭ kon pơlei pơmat tat tơ̆ tơring sơlam.
Viết bình luận