Lơ̆m 2 năr, ‘năr 16 păng 17/9, Khul kơdră chĕp kơ̆l Jơnŭm pơgơ̆r kon pơlei dêh char Lâm Đồng jang hơdoi hăm Anih jang găh bơngai tang măt, Anih vei lăng Bơngai tang măt Quốc hội pơgơ̆r hop akŏm, pơtho tơƀôh ăn bơngai tang măt Jơnŭm pơgơ̆r kon pơlei tơ̆ xăh vă hơtŏk đon hlôh vao găh luơ̆t, trong bơ̆ jang ăn bơngai tang măt. Kiơ̆ đơ̆ng truh hop akŏm kơtă păng pơih trư̆k tuyê̆n, Hop akŏm pơtho tơƀôh vă hơtŏk đon hlôh vao luơ̆t, trong bơ̆ jang ăn bơngai tang măt Jơnŭm pơgơ̆r kon pơlei tơ̆ xăh kơ dêh char Lâm Đồng.

Hop akŏm đei pơih pơdăh đơ̆ng Anih hôp tơm tơ̆ Đà Lạt truh tơ̆ 120 anih hyup iŏk lơ̆m dêh char păng đei 1.720 ‘nu bơngai tang măt vang akŏm. Ƀok K’Mák, Phŏ Kơdră Jơnŭm pơgơ̆r kon pơlei dêh char Lâm Đồng, ăn tơbăt, mă tơpă tơ̆ Lâm Đồng ăn ƀôh, iŏk đơ̆ng jang kiơ̆ trong Khul kơdră pơgơ̆r tơring 2 tăl, ưh pă đei apŭng, tơdrong jang tơ̆ Jơnŭm pơgơ̆r kon pơlei xăh tŏk roi lơ, hlôi tơlĕch nơ̆r athei tôch gĭt kăl vă hơtŏk đon rơgei, kŭm nhen trong bơ̆ jang ‘lơ̆ng tơ̆ yăn âu vă pơm lăp ‘lơ̆ng ăn dôm tơdrong jang ‘nao.