Hop akŏm vă tơgŭm dôm dêh char Tây Nguyên hơtŏk ‘lơ̆ng kĕ tơlĕch jang Tơdrong jang hơtŏk tơiung Tĕch mơdro điện tử teh đak jăl jang 2021-2025, yak truh hơtŏk tơiung tĕch mơdro điên tư kơjăp. Hrei ‘nâu, dêh char Gia Lai đei dang 224 tơmam OCOP đei hơtŏk lơ̆m tĕch mơdro điện tử. Dôm tơmam đei tĕch lơ̆m hơnih tĕch mơdro điên tư hlôi tơgŭm anih mơdro sa hơtŏk iŏk yua dơ̆ng dang 20% pơting hăm hơdrol.

Tơ̆ Hop akŏm, dôm bơngai tang măt hlôi tơroi dôm tơdrong ưh kơ ‘lơ̆ng găh tơmam drăm, hơnih logistics, bơngai jang ‘lơ̆ng păng tơdrong joăt răt yua đơ̆ng kon pơlei hlôi pơm ăn tĕch mơdro điện tử tơ̆ Gia Lai pơma hơdrô̆ păng dôm dêh char tơring Tây Nguyên tam mă hơtŏk tơiung tơgăl hăm tơmam ‘lơ̆ng. Mă đơ̆ng đei lơ tơdrong ưh kơ ‘lơ̆ng, mă lei Gia Lai pơma hơdrô̆, Tây Nguyên pơma atŭm, oei đei lơ tơdrong hiôk vă pơtrŭt tĕch mơdro điên tư hơtŏk tơiung hrĕnh tơ̆ hơnăp kơnh.