Thủ tướng pơjao ăn Anih tơm vei lăng choh jang xapăng cham char kơchăng tơlĕch dôm tơdrong jang hơlen năng teh, bri, cham char hăm tơdrong jang pơm trong gre treng Lào Cai - Hà Nội - Hải Phòng. Pơma hơdăh athei chih "6 tơdrong rơđăh" ‘nŏh: Rơđăh bơngai, rơđăh tơdrong jang, rơđăh jơnăr, rơđăh hơnăp jang, rơđăh tơdrong gơ̆h jang, rơđăh tơmam drăm păng pơjao ăn dôm Phó Thủ tướng pơgơ̆r bơ̆ jang dôm tơdrong jang ƀơm truh kơdih kâu vei lăng, Anih pơvih ăn Khul kơdră teh đak hơlen năng, tơlĕch nơ̆r athei jang, Thủ tướng athei dôm anih tơm, anih jang kơpal, anih jang chih tơroi rim giĕng găh dôm tơdrong jang đei pơjao; hăm dôm tơdrong pơmat tat, tơhlăk tăk ‘nŏh athei jăh sek tơlang kiơ̆ hơnăp jang kơdih, tơdăh hơnăp kơdih ưh gơ̆h jang ‘nŏh  athei tơroi ăn anih jang kơpal set hơlen, tơchơ̆t ăn.