Tơ̆ Jăl hop akŏm, 2 khŭl jang hlôi vang hơdai băl dăr lăng, pơ tôch tơdrong tơlĕch jang hla ar Biên bản jăl hop akŏm ‘măng mă 23, hơdai hăm tơlĕch, pơma dơnuh păng drơ̆ng nơ̆r dôm trong jang pơ trŭt tơdrong pơvei jang hơdai 2 pang lơ̆m tơdrong jang mŭk drăm - mơdro sa, tơmơ̆t jên jang, khoa hŏk - ki thuơ̆t, joh ayŏ - tơmang lăng, kŭm nhen tơtom hơmet pơ ‘lơ̆ng dôm tơdrong tơhlăk tơ hlĭn lơ̆m 1,2 tơdrong jang hơdai.

Pơtôch jăl hop akŏm, 2 kơdră chĕp kơ̆l hlôi kĭ Hla ar Biên bản Jăl hop akŏm ‘măng mă 24 Anih jang hơdai Khŭl kơdră teh đak Việt Nam- Nga găh jang hơdai mŭk drăm - mơdro sa păng khoa hŏk - ki thuơ̆t păng drơ̆ng nơ̆r Jăl hop akŏm đơ̆ng rŏng dơ̆ng gô đei pơgơ̆r tơ̆ Nga lơ̆m sơnăm 2024, dơ̆ng lăng lêh kĭ pơkăp dôm hla ar drơ̆ng nơ̆r jang hơdai lơ̆m tơdrong jang khoa hŏk, kơmăy kơmŏk ‘nao.